بولاشاققا باعدارلانعان رۋحاني جاڭعىرۋدىڭ باسىم باعىتتارىن ايقىنداپ, قيىندىقتاردى قوعام, جۇرتشىلىق بولىپ ەڭسەرۋدىڭ اسقارالى ءمىندەتتەرىن قويدى.
ءار قازاقستاندىقتىڭ كوكەيىندە جۇرگەن, تولعاندىراتىن وتكىر ماسەلەنىڭ كۇن ءتارتىبىنە شىعارىلۋى كەزدەيسوق ەمەس. تاۋەلسىزدىك جىلدارى وسىنداي ءۇلكەن ۇمتىلىس جاساۋعا جاقسى نەگىز قالاندى. حالقىمىز ەلباسىمىز ۇسىنعان ستراتەگيالىق باعدارلامالاردى ءجۇزەگە اسىرا وتىرىپ, ءوستى, ءوركەندەدى, جەتىلدى. ەكونوميكالىق-ساياسي سالالاردا ورنىققان وركەندى ءوزگەرىستەر ساناعا دا ساۋلەسىن ءتۇسىرگەنى, قازىرگى زامانداعى جاڭا قازاقستاننىڭ بولاشاعىنا دەگەن سەنىمدى نىعايتا ءتۇسكەنى انىق. ارينە, جاھاندىق باسەكەگە قابىلەتتى بولۋ, الەمنىڭ وزىق ەلدەرىنىڭ قاتارىنان كورىنۋ ءۇشىن مۇنىڭ ءبارى ازدىق ەتەدى. بۇل رەتتە ۇلتتىق رۋحاني جاڭعىرۋدى ساپالىق دەڭگەيگە كوتەرۋدىڭ, وعان جول اشاتىن جاڭا تەتىكتەردى ىسكە قوسۋدىڭ ماڭىزى وتە زور.
نۇرسۇلتان ءابىش ۇلىنىڭ ءوز سوزىنە جۇگىنسەك, «كۇن ساناپ وزگەرىپ جاتقان ءدۇبىرلى ءدۇنيەدە سانا-سەزىمىمىز بەن ءدۇنيەتانىمىمىزعا ابدەن ءسىڭىپ قالعان تاپتاۋرىن قاعيدالاردان ارىلماساق, كوش باسىنداعى ەلدەرمەن تەرە-
زەمىزدى تەڭەپ, يىق ءتۇيىستىرۋ مۇمكىن ەمەس... ءاربىر قازاقستاندىق, سول ارقىلى تۇتاس ۇلت ءححى عاسىرعا لا-
يىقتى قاسيەتتەرگە يە بولۋى كەرەك». وسى سوزدەرمەن ساناسىندا ساۋلەسى بار كەز كەلگەن وتانداسىمىزدىڭ كەلىسەرىنە كامىل سەنەمىن. دەي تۇرعانمەن, وسى ورايدا جاقسى مەن جاماننىڭ, جاڭا مەن ەسكىنىڭ تايتالاسقا ءتۇسەتىنىن جاسىرماۋىمىز كەرەك. ولاي دەيتىنىمىز, ءبىز ءۇش عاسىردان استام ۋاقىت بويى بوداندىقتىڭ قامىتىن كيىپ,
وتارلىقتىڭ ۇستەمدىك تەپكىسىن كورىپ, ماتەريالدىق قانا ەمەس, زياتكەرلىك, پسيحولوگيالىق زارداپ شەككەن, ۇلتتىق رۋحىمىزدان ايىرىلىپ قالا جازداعان حالىقپىز. ءتاۋەلسىزدىگىمىز جاريالانعانىنا شيرەك عاسىردان استام ۋاقىت ءوتسە دە, ۇلتتىق جادىمىزدىڭ قاساڭ قاعيدالاردان ارىلماي, ەڭسەمىزدىڭ تىكتەلە قويماۋىنىڭ باستى سەبەبى, مىنە, وسىندا جاتسا كەرەك. ۇزاققا سوزىلعان وتارلىق ساياساتتى, كەيىن كەڭەستىك ءداۋىردىڭ ءۇستەمدىگىن باستان كەشكەن ۇلتىمىزدىڭ بىرنەشە بۋىنى قازاقى قالپىنان, بولمىسىنان ايرىلىپ قالا جازداعانى اششى بولسا دا شىندىق. ۇلتتىق قۇندىلىقتارىمىز كومەسكىلەنىپ, اتا جولىنان اداسقاندار كوبەيدى. زاماننىڭ بولمىسىنا ساي كەلە بەرمەيتىن باسقالاردىڭ جىلتىراقتارىنا ەلىكتەپ, تاريحي تانىمى, اقىل-ويى داعدارىسقا ۇشىراعان, ۇلتتىق نامىستان جۇرداي ءماڭگۇرتتەر, ۇلتتىق تاربيەنىڭ ۋىزىنا قانباعان, تۋعان ەلىنە دەگەن سۇيىسپەنشىلىكتەن, ءتول مادەنيەتىنە دەگەن قۇرمەتتەن ادا رۋحسىز, نامىسسىز جاستار شوعىرى پايدا بولدى. تۋعان تىلىنەن, دىلىنەن اداسىپ قالىپ, قازاق بولا الماي باسقالارعا مازاق بولىپ جۇرگەن ولاردىڭ قاتارى قازىر دە از ەمەس. مىنە, وسىلايشا ۇلتتىڭ تاعدىرى, بولاشاعى سىنعا تۇسكەن ساتتە ەلباسىنىڭ رۋحاني جاڭعىرۋدىڭ وزەكتى دە ءتۇبەگەيلى ماسەلەلەرىنە ءسوز ارناپ, باعىت-باعدار سىلتەۋى, حالقىمىزعا اي تۋىپ, كۇن شىققانداي اسەر ەتتى دەسەك, ارتىق ايتقاندىق ەمەس.
ارينە, وتكەنگە توپىراق شاشا بەرۋگە بولمايدى. ەگەمەن ەل بولعالى دا بارلىق مۇمكىندىكتەردى ءتيىمدى يگەرىپ كەلە جاتىرمىز دەپ ايتا المايمىز. باسقالاردى بىلاي قويعاننىڭ ءوزىندە, قىزمەت بابىن جەكە باسىنىڭ مۇددەسىنە پايدالانىپ, مەملەكەت قازىناسىنا قوماعايلانا قول سالعان, سودان تەمىر توردىڭ ار جاعىنان ءبىر-اق شىققان بيلىكتەگى لاۋازىم يەلەرىنىڭ سانىنان دا جاڭىلىپ قالدىق. بۇل دا باس-كوز جوق, بيلىكتىڭ تىزگىنىن ۇلتتىق قۇندىلىقتارىمىزعا قانباعان, بويلارىنا ەتنومادەني بولمىس دارىماعان, قازاقتىڭ ءتىلىن, ءدىنىن, ءدىلىن, اتا سالتىن سىيلامايتىن جاستارعا ۇستاتا سالۋىمىزدىڭ سالدارى ەكەنى راس. زامانانىڭ ءجۇرەك ءلۇپىلىن ەستىمەيتىن, سەزبەيتىن, كەڭەستىك داۋىردەن بەرى جالعاسىپ كەلە جاتقان ەسكى سۇرلەۋدەن شىعا الماي قالعان باسشىلار دا از ەمەس. مىنە, وسىنداي ساناتتاعىلار ەلباسى قويىپ وتىرعان تىڭ تالاپتار ۇدەسىنەن كورىنە الا ما؟ وسى جاعىن دا ويلاستىرىپ, رۋحانياتتىڭ تاعدىرىن ەلىم دەگەن ناعىز ەرلەردىڭ قولىنا تاپسىرۋ ءجون سياقتى. ناق بۇگىن, اسىرەسە, ءبىز ءسوز ەتىپ وتىرعان سالادا كادر ساياساتىن ۇلتتىڭ مۇددەسىن قورعاي وتىرىپ, مەملەكەتتىك باعىتتا جۇرگىزۋ زامان تالابى ەكەنىن ەسكەرگەنىمىز ابزال. مۇنىڭ الاشتىڭ ارىستارى «ءباسپاسوز − حالىقتىڭ كوزى, قۇلاعى ءھام ءتىلى» دەپ ارداقتاعان بۇقارالىق اقپارات قۇرالدارىنا, تەلەارنالارعا دا تىكەلەي قاتىسى بار. قازاقتىڭ ءبىرتۋار ازاماتتارىنىڭ ءبىرى اقسەلەۋ سەيدىمبەك: «بiزدەگiدەي بەيباستاق الەمنiڭ بiردە-بiر ەلiندە جوق. قازiر باق-تىڭ زورلىق-زومبىلىعىنان مۇرنىمىزدان قان كەتiپ وتىرعان ەلمiز. ەسەڭگiرەۋدiڭ, ەسiمiزدەن ايىرىلۋدىڭ دەڭگەيiنە جەتتiك» دەپ كۇڭىرەنە كۇيىنگەنى ەسىمىزدە. سودان بەرى نە وزگەردى؟ وكىنىشكە قاراي, مىسقالداپ كىرگەن دەرت كۇننەن-كۇنگە اسقىنىپ بارادى. زيالىلار دابىل قاققانمەن, قۇلاق اسىپ جاتقاندار شامالى. وسىدان كەيىن ۇلت ءۇشiن كۇرەسپەيتiن, مەملەكەت ءۇشiن ساۋساعىن قيمىلداتپايتىن ءدۇبارا, كوسموپوليت, نەمكەتتi ۇرپاق قايدان شىعىپ جاتىر دەپ تاڭدانۋعا بولا ما؟!
ەلباسى ءوزىنىڭ جۇرەكجاردى ءسوزدەرىن ەڭ الدىمەن جاستارعا باعىشتادى. رۋحاني جاڭعىرۋ, زامان تالابىنا ساي سانادا ءسىلكىنىس تۋعىزۋ –پرەزيدەنتىمىزدىڭ ۇدايى نازارىندا ۇستاپ كەلە جاتقان ماسەلە ەكەنىن وسكەلەڭ ۇرپاق جەتە ۇعىنعانى ابزال. كەزىندە «مادەني مۇرا», «حالىق – تاريح تولقىنىندا» باعدارلامالارى شەڭبەرىندە ەلىمىزدە ۇلان-عايىر ىستەر اتقارىلعانىن جاقسى بىلەمىز. ەلباسى ءوزىنىڭ جاڭا ەڭبەگىندە وسى باعىتتاعى جۇمىستاردى ودان ءارى تەرەڭدەتە ءتۇسۋ, ءورىسىن بارىنشا كەڭەيتۋ, رۋحاني جاڭعىرۋ مىندەتىنەن تۋىندايتىن سان-سالالى ءىستەرگە تۇرلاۋلى سيپات بەرۋ ءماسەلەسىن قوزعاپ, كوپتىڭ كۇش-ءجىگەرىمەن جۇزەگە اسىرىلۋعا ءتيىس ناقتى مىندەتتەردى ايقىنداپ, ورىنداۋ جولدارىن سارالاپ بەردى.
سوزدەن ىسكە كوشەتىن مەزگىل جەتتى!
جاراسباي سۇلەيمەنوۆ,
قوعام قايراتكەرى, وبلىستىڭ قۇرمەتتى ازاماتى
سولتۇستىك قازاقستان وبلىسى
